تاند (چهارشنبه، د حمل ۲۸ مه) د پاکستان پوځ ادعا کوي چې ځواکونو یې نن (چهارشنبې) ۷ تنه وسله وال مخالفان هغه مهال ووژل چې هڅه یې کوله د افغانستان له خاورې ورواوړي.
د پاکستان د پوځ مطبوعاني دفتر په یوه خبرپاڼه کې ویلي چې دا پېښه په شمالي وزیرستان کې وشوه.
د خبرپاڼې پر اساس، وروسته له دې چې پوځ ته څرګنده شوه چې وسله وال مخالفان له افغانستانه وراوړي دوی پرې برید وکړ چې په نتیجه کې یې د دواړو خواوو ترمنځ سخته نښته وشوه، اووه واړه وسله وال ووژل شول او وسلې یې پوځ ته په لاس ورغلې.
ټي ټي پي تراوسه پورې د پاکستان د پوځ د ادعا په اړه څه نه دي ویلي.
مخکې ټي ټي پي ته نژدې سرچینو ویلي و چې له اختره وروسته به د پاکستان د پوځ پر ضد حملې زیاتې کړي.
له دې سره هممهاله د پاکستان د پوځ لوی درستیز په کراچۍ کې د پوځ د قول اردوګانو قوماندانانو ته په وینا کې یو وار بیا تور ولګاوه چې د دوی وسله وال مخالفان د افغانستان له خاورې کار اخلي.
د طالبانو حکومت په ځلونو د پاکستان دا تور رد کړی چې ګنې ټي ټي پي یا کومه بله ډله د پاکستان پر ضد د حملو لپاره د افغانستان له خاورې کار اخلي.
طالبانو د پاکستان د ادعاوو د ردولو ترڅنګ ویلي چې پاکستان دې خپلې کورنۍ ستونزې په خپل هیواد کې دننه حل کړي.
دې ته وایي د دروغو دکتورا لرل او د خلکو سترګو ته داسې خاورې اچول چې باور پرې نه کیږي. د نړۍ سرطان او په نړیواله کچه تروریست پیژندل شوی پاکستان اوس نورو هیوادو ته ګوته نیسي چې تروریستان د هغې ځایه راځي. یو منافق نړیوال یا ملل متحد داسې پوښتنه نکوي چې په ټوله پوله دې خاردار سیم لګولی او پوځ دې ناست دی نو څنګه راځي.
حرامي خو نه ده ، د خپل پلار بچی دی ، خود به د شر او فساد دوکتورا لري .