تاند (چهارشنبه، د حمل ۲۸ مه) د کونړ ځايي طالب چارواکي وايي چې د دغه ولايت د ماڼوګي ولسوالۍ په بار کنډۍ سيمه کې د دېوال غورځېدو له امله ۲۶ کسان ټپیان شوي دي.
د یاد شوي ولایت لپاره د طالبانو د امنیې قوماندانۍ مطبوعاتي دفتر ویلي، چې ياده پېښه نن لس بجې هغه مهال رامنځته شوې،چې کلیوال د یوې جنازې په ویر راټول او ناڅاپه پرې د یوه کور دیوال راوغورځېد.
د اسعد اباد د مرکزي روغتون ریيس ډاکتر مولاداد وايي ۱۵ ټپیان روغتون ته وروړل شوي دي.
ځینو نورو سرچینو د څو ټپیانو روغتیايي حالت خطرناک ښودلی او ویلي، چې د ښې درملنې لپاره د ننګرهار حوزوي روغتون ته لېږدول شوي.
په افغانستان کې د وروستیو ورښتونو او سېلابونو له امله په ګڼو سیموکې د چتونو او دېوالونو د پرېوتو او له دې امله د مرګ ژوبلې خبرونه زیات شوي.
زیانمن شوي بیا شکایت کوي، چې طالب چارواکي او مرستندوی ادارې ورسره مرسته نه کوي.