سه شنبه, مې 28, 2024
Homeخبرونهپه افغانستان کې سیلونو ۶۰ تنو ته مرګ ژوبله اړولې ده

په افغانستان کې سیلونو ۶۰ تنو ته مرګ ژوبله اړولې ده

تاند (یکشنبه، د حمل ۲۶ مه) له پېښو سره د مبارزې په چارو کې د دولت وزارت ویندوی اعلان وکړ چې د افغانستان په ۳۳ ولایتونو کې د شدیدو ورښتونو او د سیل د راتلو له کبله لږترلږه ۳۳ تنه مړه شوي او ۲۷ نور ژوبل دي.

د دغه وزارت ویندوی ملاجانان سایق نن په یوه خبري غونډه کې وویل چې د سیلونو له امله ۶۰۶ کورونه نړېدلي او همداراز لږترلږه ۲۰۰ څاروي هم مړه شوي دي.

دا په داسي حال کې ده چې د اوبو او انرژۍ وزارت اټکل کړی چې تر راتلونکو درو ورځو پورې به شدید ورښتونه دوام وکړي.

د دغه وزارت پر اساس، په ځینو سیمو کې به واوره هم واوري.

تر دې وړاندې پرون په اروزګان ولایت کګې د سیلونو له کبله ۳ ماشومان مړه شول او زرګونه جریبه کرنیزه مځکه، یو بند او یو پُل ویجاړ شول.

LEAVE A REPLY

Please enter your comment!
Please enter your name here

- Advertisment -

ادب