تاند (دوشنبه، د حمل ۱۲ مه) د امریکا د مرکزي قوماندې پخوانی قوماندان متقاعد جنرال فرانک مکینزي د یکشنبې په ورځ وویل، داعش په امریکا او نورو هیوادونو کې د برید کولو قوی اراده لري او راتلونکي بریدونه حتمي دي.
جنرال مک کینزي د ABC تلویزیون دا اوونۍ پروګرام ته وویل: “کله چې دوی وايي پر موږ حمله کوي، موږ باید په دوی باور وکړو.»
ده زیاته کړه:
“زه فکر کوم چې موږ باید د متحدوایالتونو او زموږ د شریکانو او په بهر کې د نورو هیوادونو په وړاندې د دې ډول نورو هڅو تمه وکړو. زه فکر کوم چې دا حتمي ده.»
جنرال مکینزي تر ۲۰۲۲ پورې سنټکام مشري په غاړه لرله، د ۲۰۱۹ په اکتوبر کې د داعش د مشر ابوبکر البغدادي پر کور د برید او همدارنګه دوه کاله وروسته له افغانستان څخه د متحدو ایالتونو د ځواکونو د وتلو څارنه په غاړه لرله.
ده وویل، داعش، په ځانګړې ډول د داعش-خراسان ولایت چې په افغانستان کې فعالیت کوي، د امریکا او نورو هېوادونو لپاره یو مهم ګواښ دی.
دې ډلې تېره اوونۍ په مسکو کې د هغه برید مسوولیت منلی و چې ۱۴۴ کسان پکې ووژل شول.
میکنزي وویل، “د داعش- خراسان څانګه هڅه کوي بهرني بریدونه ترسره کړي … له خپل وطن څخه لرې،”
هغه زیاته کړه چې دا ډله روسیه په سوریه کې د اسلامي دولت (داعش) په وړاندې د اقداماتو لپاره مسووله بولي.
او البته، دوی په افغانستان کې تر سخت فشار لاندې نه دي او له همدې امله کله چې تاسو په خپل کور کې تر فشار لاندې نه یاست، تاسو د دې فرصت لرئ چې نورو ځایونو ته ځان ورسوئ.»
طالبان، چې د امریکا او متحدینو د ځواکونو له وتلو وروسته یې په افغانستان کې واک په لاس کې اخیستی، د داعش پر ضد په سخته جګړه بوخت دی.
په داسې حال کې چې امریکايي ځواکونه له افغانستانه د وتلو په حال کې وو، د داعش خراسان څانګې د کابل په هوايي ډګر کې بمي چاودنه وکړه چې په پایله کې یې په لسګونو ملکي افغانان او ۱۳ امریکايي پوځیان ووژل شول.
جنرال مک کینزي وویل چې د امریکا له وتلو وروسته په افغانستان کې پر داعش-خراسان څانګې باندې کوم فشار نه دی اچول شوی.
هغه څرګنده کړه، د انټرنټ له لارې په بهر کې افراطیت ته د خلکو بلل ښايي یو له خورا خطرناکو میتودونو څخه وي چې داعش یې د بریدونو د ترسره کولو لپاره کارولی شي.
جنرال مک کینزي په افغانستان کې د یو شمېر امریکايي سرتېرو د پاتې کېدو پلوي و چې د اکثرو ځواکونو له وتلو وروسته یې د متحدو ځواکونو تر څنګ د داعش پر ضد د فشار د ساتلو لپاره کار کاوه.
ګرانه مک کينزي،
تاسې خو وتلي نه ياست، بلکې افغانستان مو پنجاب ته په ګونګه کې ورسپارلی دی او اوس خو ټولو ته جوته ده چې پاکستان په افغانستان کې په ستراتيژيک ډول ښې ژورې او پراخې ريښې غځولي دي.
خليلزاد خو ويلي چې امريکا د چا اجازې ته نه ګوري او هر وخت يې چې زړه وشي وځي به، خو د چا خوښې او اجازې ته اړتيا نه لري. امريکا پخپله خوښه راغلې او پخپله خوښه به ځي.
زموږ هوايي حرم خوندي نه دی او فضا مو ستاسې په واک کې ده او اوس خو ان پنجاب هم پر افغانستان هوايي ګزمې کوي.
طالب خو واک نه لري او واکمن خو پنجابی دی نه دوی.
د افغانستان ستونزه دا دي چې، اکثریت چې پښتانه دي هغه بې شعوره او غافله دي، او کوم اقلیت چې دي هغه خاین دي. بله دا چې، پښتانه ژر غلامان کیږي، دا لمر په څیر روښانه دي. تر څو افغانان د اصولو په چوکاټ کې راټول نشئ بله لار نه لرو. په شخصیت او په واک او زور راټولیدل مو تجربه کړل او د شخصیت او واک له زوال سره سم هر څه وپاشل سول. تر اوسه مونږ په اصولو راټولیدل مو ندي
تجربه کړي. امکان دی ولري نتیجه ورکړي، او دا یوازینې لاره دئ.
ولې څوک پښتنه نه کوي یا غرب ته کاغذونه دثبوت نه وړاندې کوي چه دا خو تاسې غربیان وی چه دیني تعصب، ترور ، طالب او داعش مو مینځ ته راؤست! سندونه:https://www.tagesanzeiger.ch/wie-der-westen-den-islamismus-vorantrieb-219516967749
How the West backed radical Islam and unleashed global terror… via
@business_today