خبریاله: ډيوه شینوارې/ کابل – په افغانستان کې د طالبانو له دویم ځل واکمنیدو راوروسته په ټول هیواد کې د نجونو پرمخ د زده کړو دورازې په دې پلمه وتړلې چې په نوې طرحه کار کوي.
که څه هم د دې ستونزې لپاره کمیټه وټاکل شوه او له اوږده ځنډ ورسته یادې کمیټې د ۲۰۲۲ کال په جون میاشت کې د طرحې د بشپړوالي او خپل امیر ته د سپارلو په اړه رسنیو ته مالومات ورکړل خو تر اوسه یې پایلې لا هم مالومې نه دي.
د مالوماتو له مخې په هغه طرحه کې چې د طالبانو امیر هیبت الله اخوندزاده ته استول شوې، د نجونو په ښوونځیو کې د تدریس بڼه، د نجونو لپاره ټرانسپورټ، له هلکانو د نجونو ښوونځیو د وخت بېلوالی او د ښوونځیو مضمونونو کې تغییر شامل وو.
نصرالله د کابل اوسیدونکی دی، نوموړي تاند ته وویل: «کله چې طالبان راغلي د خپلې لور سترګو ته نه شم کتلی، توان مې نشته چې لور مې یو بل هیواد ته د زده کړو لپاره ولیږم خو هر ځل چې کور ته ځم دا ډار راسره وي چې لور به مې راته ووایي چې بابا زما تعلیم څنګه کیږي.»
نوموړی وایي که د حکومت نهایي پرېکړه مالومه شي نو مجبوره دی چې دلته خپل هر څه وپلوري او د اولادونو د زده کړو لپاره کوم بل هیواد ته مهاجر شي.
د نجونو د زده کړو په ملاتړ په ټول هیواد کې ولسونو، سیاسي شخصیتونو او دینې عالمانو وخت ناوخت خپل غبرګونونه ښکاره کړي.
پخپله په حاکم نظام کې هم لوی اکثریت چارواکي د نجونو د زده کړو مخالف نه دي او بار بار یې په دې ټینګار کړی چې د ښنجونو پر مخ د ښوونځيو او پوهتنونو دروازې باید پرانستل شي.
خو ورسته له نهه سوه ورځو هم مالومه نه ده چې د نجونو نه د زده کړو د حق اخیستلو تر شا کوم راز دی او ایا ممکنه ده چې په روان کال کې به ښوونځي او پوهنتونونه پرانستل شي؟
لعنت دې په وحشي او ذليلو طالبانو وي.