تاند ( جمعه، د دلوې ۲۷مه) پاکستاني چارواکو یو ځل بیا دغه هېواد ته د تجارتي مالونو موټر چلوونکو ته خبرداری ورکړی، چې د مارچ میاشتې تر پایه پاکستان ته د تګ راتګ لپاره پاسپورټ او ویزې ځانته واخلي.
په تورخم کې یوه پاکستاني مقام ویلي، چې له پاسپورټ او ویزې پرته به افغان موټر چلوونکو ته د پاکستان د سفر اجازه ورنه کړي.
په تورخم کې د سوداګرو اتحادیې مشر مجیب شینواري پر دې اقدام اندېښه ښوولې او زياته کړې يې ده چې له دې سره به یو ځل بیا د دواړو هېوادونو ترمينځ تجارت اغېزمن شي.
نوموړي ویلي، چې په دومره کمه موده کې پاسپورټ او ویزه اخیستل ممکن نه دي.
د پاکستان اوسني موقت حکومت له دغه هېواده د بې اسناده افغان کډوالو د ایستو د پراخو عملیاتو تر څنګ څو ځله هغو موټر چلوونکو ته د پاکستان د سفر اجازه ورنه کړه، چې پاکستان سره یې د سوداګرۍ موټرې چلولې.
په افغانستان کې د طالبانو واکمن رژیم هم د پاکستان د دغه کار په غبرګون کې افغانستان ته د بې اسنادو پاکستاني موټر چلوونکو تګ راتګ منع کړ، چې له امله یې د دواړو هېوادونو تر منځ سوداګري اغېزمنه شوه.
د افغانستان خلک هم په شرم خبر نه دی. ېا پاسپورت جوړ کړۍ ېا نو بېخی له دی ګنده تجارته ور تېر شۍ او بله لاره درته وګورۍ. د دوی موټر هم مه راپرېږدۍ او تاسو هم مه ورځۍ. نو جنجال به مکمل ختم شی.
بل مثله عمل دې ورسره وشی هيڅ پنجابی ته دی د افغانستان د دخول اجازه نه ورکوې او د افغاتستان دریواران دې له اټک نه هغه غاړې ته پرته له اجازی نه ځې او پښور کښې اجازی ته ضرورت نلری.