پنجشنبه, اپریل 18, 2024
Homeخبرونهاشرف غني او ګڼو افغان څېرو پر محسن داوړ برید غندلی

اشرف غني او ګڼو افغان څېرو پر محسن داوړ برید غندلی

تاند ( شنبه، د دلوې ۲۱مه) د افغانستان د پرځیدلي جمهوري نظام د ولسمشر اشرف غني په ګډون ګڼو افغان څېرو په شمالي وزیرستان کې پر ملتپال پښتون سیاستوال محسن داوړ د پاکستاني ځواکونو نننی برید غندلی.

ښاغلي غني په خپله ایکس پاڼه کې محسن داوړ د استبداد ضد او خپلو خلکو ته د بشري حقونو د غوښتلو مبارز ګڼلی.

هغه زیاته کړې: زه باور لرم پدې ظالمانه اعمالو د ازادۍ غږونه نشي بندولی، هر څه بدلیدونکې دي، د جبر او استبداد دا ټغر به اخر ټولېږي.

د اشرف غني د ولسمشرۍ لومړي مرستیال امرالله صالح او هغه ته نورو نژدې څېرو، ګڼو افغان فعالانو او پښتنو ملتپالو هم پر محسن داوړ برید غندلی.

د محسن داوړ په مشرۍ د ملي جمهوري غورځنګ ګوند ویاندې بشره ګوهر د پېښې عاملانو ته سزا غوښتنه کړې ده.

داوړ نن په شمالي وزیرستان کې له خپلو پلویانو سره یو ځای د پارلماني ټاکنو د پایلو د اعلان د ځنډ پر ضد اعتراض کړی و، چې پاکستاني پولیسو پرې ډزې کړي او پر ده سربېره یې د هغه ۸ پلویان ټپیان کړي.

LEAVE A REPLY

Please enter your comment!
Please enter your name here

- Advertisment -

ادب