تاند (شنبه، د دلوې ۲۱ مه) د پاکستان مرکزي بانک وايي، د روان مالي کال په لومړیو شپږ میاشتو کې افغانستان ته د پاکستان صادرات د تېر کال د ورته مودې پرتله په سلو کې ۳ اعشاریه ۵۳ ډېر شوي دي.
د پاکستان مالي کال په جولای کې پیلېږي.
د دغه بانک پر اساس، په مجموع کې د ۲۰۲۳ د جولای او دسمبر ترمنځ پاکستان افغانستان ته د څه باندې ۲۶۰ میلیون ډالرو په ارزښت مال صادر کړی دی.
د پاکستان د مرکزي بانک په وینا د تېر مال کال په ورته موده کې پاکستان افغانستان ته د څه باندې ۲۵۱ میلیون ډالرو په ارزښت صادرات کړي وو.
د افغانستان او پاکستان ترمنځ د لارو د بیا بیا بندېدو له کبله دوه اړخیزه سوداګري سخته زیانمن شوې ده.