مولوي صاحب محترم،
پخواني حکومتونه خو د نورو د فشار په وسيله سهامي شرکتونه ول. پخواني ولسمشرانو باندې خو ځينې ځينې پرې په ښکاره او زور ورتپل شوي وو. ولسمشر غني ډېر کوښښ وکړ، خو امريکا او ګوربه او ځينې نور سيمه ييز هېوادونه ورته کلک مخې ته ولاړ ول کنه تاسې په ټول قوت هغه هم د بهرنيانو په مرسته ليرې شول، خو دا ستاسې حکومت دننه څنګه سره تقسيم شوی دی؟
وړمه ورځ خو خبر خپور شو چې خدای مه کړه کړه مولوي صاحب په واک منګولې ښخې کړي دي او تاسې خپله وزير او د کورنۍ څلور نور غړي دې هم په لوړو دولتي سيټونو باندې مقرر دي، نو دې نورو ته به څه رسيږي؟
تاسې عمري عدالت او سوچه اسلامي شريعت غواړئ. حضرت عمر (رض) خو خپل په واک کې پرې نه ښووه او ويې ويل چې له کوره يو بس دی.
نو دا ستاسې عمري عدالت او سوچه اسلامي شريعت ما ته پوښتنه راولاړه کړې ده چې تاسې خو له يوې کورنۍ پينځه تنه ياست، نو دا استثنايي حکم مو خپل ځانته چېرته موندلی دی؟ کولای شئ چې هغه لاسوند يې را په ګوته کړئ او که يوازې همدا دليل مو بس دی چې ((موږ حکومت په زور نيولی او اوس زموږ خوښه چې څنګه يې چلولو؟)) ايا همدا خبره سمه ده؟