تاند ( شنبه، د دلوې ۱۴ مه) د طالبانو د کورنیو او کډوالو چارو وزیرانو( سراج الدین حقاني او خلیل الرحمان حقاني) پرون په خوست کې د یوې مدرسې د فراغت غونډې پر مهال بېلابېلې څرګندونې وکړې.
سراج الدین حقاني په دې غونډه کې له یوه لوري د « اسلامي شریعت او حدودو» د تطبیق په نوم د خپل رژیم د کړنو ننګه وکړه او ویې ویل: څه چې د اسلامي شریعت د تطبیق په مخالفت ویل کیږي، دا زموږ اختراعات نه دي، چې موږ یې کوو، دا الهي احکام دي او موږ یې عملي کوو.
هغه د دې تر څنګ له طالب چارواکو وغوښتل، چې خلکو سره په چال چلند کې د غرور او سختۍ پر ځای حوصله او نرمۍ نه کار واخلي.
په دې غونډه کې د طالبانو د کډوالو او بیرته را ستنیدونکو چارو وزیر خلیل الرحمان حقاني بیا د دوی مخالفان « منافقان، مرتدان، زندیق» او په نورو توندو نومونو یاد او خپل رژیم« مسلکي او افغان شموله» وباله.
د ده په وینا، هغوی چې د دوی رژیم غیر مسلکي بولي، خپله غیر مسلکي دي.
د طالب چارواکو ورته څرګندونې د دوی د پلویانو له هرکلي، خو د مخالفانو توندو غبرګونونو سره مخ کیږي.
توبه مې دې وي، یو د اوږدې لکۍ خر راپاڅي او د شریعت خبرې کوي چې بیخي ورسره نه ښایي. د کوم نظام ننګه کوې چې چاته نظام نه بلکې د یو څو جاهلو او قاتلو ډله ده. د شریعت خبره هغه قاتلین کوي چې دا شل کاله یې بې ګناه افغانان د پاکستان او امریکا لپار ووژل او بیا د هغوی په ډګه سپاره بیرته راوستل شو.
په ډېره خواشینۍ سره د افغانستان د څلوېښتو میلیونومسلمانانو سرنوشت د ملا آی اس آی د ځرویعنې د داسې جاهلانو ، احمقانو ، زندیقانو ، کاذبینو ، مرتدینو او بې لکۍ خرو په لاس کې ده ، چې په خپلو خبرو نه پوهیږي ، څه یې له خولې راوځې . د خپلو مخاطیبیونو احترام نه کوي او د مجلس نزاکتونه هم نه مراعاتوي . آخره زمانه شوه ، د ګران او محبوب پیغمبر وارثانو په ټغر داسې ذندیقان ناست دي . افغانانو الله مو مل شه .