تاند (یکشنبه، د دلوې ۸ مه) افغان لوبغاړي هلمند الکوزي خپل تانزانیايي سیالي ابراهیم مکوبي ته ماته ورکړه.
په دې سیالۍ کې، چې تېره شپه د متحده عربي اماراتو په دوبۍ کې وشوه، هلمند الکوزي په پنځم پړاو یا راونډ کې خپل سیال ناک اوټ کړ.
ابراهیم مکوبي تر دې وړاندې یوولس نړیوالې سیالۍ کړي چې یوازې یوه یې بایللې وه.
خو هلمند الکوزي تراوسه دوولس نړیوالې مسابقې کړي چې ټولې یې ګټلي دي.
ده ۵ تنه ناک اوټ کړي او له ۵ نورو یې د امتیازونو په توپیر مسابقې ګټلي دي.