تاند (شنبه، د دلوې ۷مه) د اریانا افغان هوایي شرکت له لوري له کابله خوست ولایت ته د هوایي الوتنو لړۍ پيل شوه.
د طالبانو تر کنټرول لاندې د افغانستان د هوایي چلند او ټرانسپورت وزارت په یوه اعلامیه کې ویلي، چې له دې وروسته به د هرې دوشبنې او جمعې په ورځو له کابله خوست ولایت او د شنبې او سې شنبې په ورځو له خوست څخه کابل ولایت ته الوتنې وشي.
سرچینې د دغو الوتنو د بیو او نورو جزییاتو په اړه څه نه دي ویلي.
د جمعې په ورځ له خوست څخه متحده عربي اماراتو ته هم د الوتنو د پیلیدو خبر ورکړل شوی و.
د طالبانو له بیا واکمنیدو سره، په افغانستان کې دننه او باندې هوایی پروازونه ټول ټکني شوي وو، چې په وروستیو کې بېرته دا پروازونه په پیلیدو دي.
خلک د دغو الوتنو په بیا پيل خوښ دي، خو نیوکه لري چې د الوتنو ټکټونه ګران دي او باید د ارزانولو هڅې یې وشي.