تاند (یکشنبه، د جدې ۱۷ مه) د پاکستاني رسنیو د راپور له مخې، ټاکل شوې ده چې د جمعیت علمای اسلام مشر مولانا فضل الرحمان نن (یکشنبه) افغانستان ته سفر وکړي.
جیونیوز د نامعلومو سرچینو په قول وايي، مولانا فضل الرحمان به په دې سفر کې، چې له لسو کلونو وروسته افغانستان ته د ده لومړنی سفر دی، د ټي ټي پي او د افغانستان او پاکستان د دوه اړخیزو اړیکو په شمول پر بېلابېلو مسلو خبرې وکړي.
په اسلام اباد کې د طالبانو تر کنټرول لاندې د افغانستان د سفارت سرپرست سرداراحمد جان شکېب د دسمبر په ۱۶ مه له مولانا فضل الرحمان سره وکتل او هغه ته یې د افغانستان د سفر بلنه ورکړه.
وروسته د طالبانو د حکومت ویندوی ذبیح الله مجاهد تایید کړه چې د جمعیت علمای اسلام مشر ته د افغانستان د سفر بلنه ورکړل شوې خو ده په عین حال کې وویل چې نوموړي ته یې د دې لپاره بلنه ورکړې چې په افغانستان کې حقایق له نژدې وویني.
له حقیقتونو د ښاغلي مجاهد اشاره هغو تورونو ته وه چې پاکستان یې د ټي ټي پي د ملاتړ په اړه د طالبانو پر حکومت پوري کوي خو طالبان یې په کلکه ردوي.
فضل الرحمان تر دې وړاندې د حامد کرزي د ولسمشرۍ په دوره کې په ۲۰۱۳ م کال افغانستان ته راغلی و.
څو پاکستاني رسنیو ویلي چې له مولانا فضل الرحمان سره به په دې سفر کې د پاکستان د ملي جرګې پخوانی غړی جمال الدین مسعود ملګری وي.
فضل الرحمان جیونیوز ته په یوه مرکه کې، چې نن خپرېږي، ویلي چې دی د پاکستان د حکومت له لوري په ورسپارل شوي ماموریت افغانستان ته ځي.
ده زیاته کړې:«زه په خبرواترو باوري یم خو که مځکني حقیقتونه په نظر کې ونیول شی له ټي ټي پي سره د خبرو لپاره یوې هراړخیزې ستراتیژۍ ته مخه کولی شو.»
پاکستان تور پورې کوي چې د ټي ټي پي غړي په پاکستان کې د حملو لپاره د افغانستان خاوره کاروي خو د افغانستان د طالبانو حکومت د پاکستان تورونه په کلکه ردوي او وايي چې هیچا ته اجازه نه ورکوي چې د افغانستان خاوره د بل هیواد پر ضد وکاروي.
طالبان په عین حال کې وايي چې پاکستان دې خپلې کورنۍ ستونزې په خپله حل کړي.
مولانا فضل الرحمان ویلي چې د افغانستان د سفر په لړ کې به کندهار ته هم لاړ شي چې د طالبانو له مشر مولوي هبت الله اخوندزاده سره وویني.
صوبیدار عبدالخیل چې د مولانا فضل الرحمٰن نیکہ ؤه په 1878 کال کې برطانوي استخبارتي سازمان ته جذب شو او انگریزي فوج سره د وزیرستان اورکزو او خیبر اونورو پښتنو غازیانو په زپلو کی د پام وړ مرسته وکړه چه انگریزي سرلښکر ورته د صوبیدار افتخاري فوجی رتبه په 1884م کال کی ورکړه.
عبدالخیل د وزیرستان او پښتنو په خاوره د فقیر ایپي غازی میرزاعلی خان او د ډبرو پښتنو غازیانو تحریکونو او نفوس په ټکولو کی ډیر قوي کار وکړو او هم د مسٹر ڈیورینڈ سره قوي همکارۍ په سبب د برطانوي فوځ عمومي قوماندان او د استخباراتو لوی ریس ورته د پیښور قلعہ بالاحصار کی په 1896م کال په خپلو لاسونو دملٹري کراس ایوارڈ یو ډیر غټ انعام ورکړو اوهم یی یو رسمي مکتوب ورکړو چې د صوبیدار عبدالخیل کورنۍ به تر هغه وخت پورې چې د زمکی جغرافیه کی برطانیه موجود وي د امتیازاتو، ساتنی، مالی مرستی او استخباراتو کی غړیتوب لري هیڅ قانون او اداره یی مجرم او محاکمه کولی نه شی هر څه نه به مستثنٰی وي او تل به د هر نظام او حکومت برخه وي
کاپی