تاند (دوشنبه، د جدې ۱۱ مه) د پاکستان جمیعت علمای اسلام ګوند پر خپل مشر مولانا فضل الرحمان د برید او له بریده د هغه د روغ وتو خبر ورکړی.
د دغه ګوند ویاند ویلي چې فضل الرحمان پرون د پښتونخوا په ډېره اسماعیل خان سیمه کې له یوه وسله وال بریده روغ وتلی.
د سرچینې د معلوماتو له مخې، په برید کې د هغه د کاروان ملګرو ته هم زیان نه دی رسېدلی.
مولانا فضل الرحمان په دغه سیمه کې د خپل یوه خپلوان د واده مراسمو ته روان و.
باکستاني چارواکو د پېښې په اړه څه نه دي ویلي او نه هم د برید مسوولیت کومې ډلې پر غاړه اخیستی.
د پاکستان امنیتي چارواکو تر دې مخکې مولانا فضل الرحمان او د نیشنل عوامي ګوند د پښتونخوا مشر ایمل ولی خان ته خبرداری ورکړی و چې پر دوی د برید احتمال شته.
مولانا فضل الرحمان بیا له بریده یوه ورځ مخکې ویلي وو چې د پاکستان ځواکونه یې باید امنیت ونیسي، کنه د هر ډول پایلو مسوول به وي.
دا برید داسې مهال کیږي چې نږدې راتلونکي کې کابل ته هم د مولانا فضل الرحمان د سفر تیاری نیول شوی.
کابل کې یو شمېر سرچینو ویلي چې طالب چارواکو د هغه د امنیت لپاره ځانګړي تدابیر نیولي.
دا ملا شیطان به په ډیر ذلالت مرداریږې