داودجبارخیل

د عامو انتخاباتو لپاره سیاسی میدان تیار شوی، کاندیدانو د کاندیداتورۍ کاغذونه جمع کړي او د تفتیش بهیر روان دی.

د ډېرو سترو سیاسي ګوندونو د مشرانو ترڅنګ د دوی د کورنۍ غړي هم سیاسي ډګر ته راوتلي دي چې وروڼه، پلرونه، زامن او نږدې خپلوان پکې شامل دي.

په دغو سیاسي ګوندونو کې لومړی نوم د جمعیت علمای اسلام د مشر مولانا فضل الرحمان دی، چې پنځه خپلوان یې په ټاکنو کې برخه اخلي.

مولانا فضل الرحمان په خپله د قامي اسمبلۍ حلقه اين اے 44  ډي آئي خان او پښين لپاره د کاندیداتورۍ اسناد سپارلي، د هغه دوه وروڼو مولانا لطف الرحمان د پي کې  113ډي آئي خان او مولانا عبيد الرحمان د قومي اسمبلۍ حلقه اين اے  44 څخه د کاندیداتورۍ کاغذونه جمع کړي دي۔ او PK 111   څخه انتخاباتو ته کاندید دی.

د مولانا فضل الرحمان دوه زامن د پخواني وفاقی وزیر مولانا اسد محمود ټانک این اے 43 او مولانا اسجد محمود این اے 41 لکی مروت نه انتخاباتو ته کاندید دی.

د پرویز خټک کورنۍ

د پاکستان تحريک انصاف پارليماني غړی او پخوانی وفاقي وزير پرويز خټک په خپله د نوښار قومي اسمبلۍ حلقې په شمول د دوه صوبائي څوکيو لپاره د کاندیداتورۍ کاغذونه جمع کړي دي۔ د هغه دوه زامن به هم په ټاکنو کې برخه واخلي. ابراهیم خټک د پي کې 85 او اسماعیل خټک د نوښار پي کې  86 څخه کاغذونه جمع کړي دي او د هغه زوم عمران خټک هم د قامي اسمبلۍ څوکۍ ته نوماند دی.

د پرویز خټک ناراضه ورور لیاقت خټک او د هغه زوی احد خټک به د جمعیت علمای اسلام په پلیټ فارم په انتخاباتو کې برخه اخلي.

د دراني کورنۍ

د پخواني وفاقي وزير او د جمعيت علما اسلام د مشر اکرم خان دراني د کورنۍ څلورو غړو په انتخاباتو کې د ګډون لپاره د کاندیداتورۍ کاغذونه جمع کړي دي. اکرم خان درانی پخپله په قومي او صوبائي څوکيو انتخاباتو کې برخه اخلي په داسې حال کې چې د هغه زوی پخوانی ډپټي سپيکر زاهد اکرم دراني د NA-39 لپاره د نامزدګۍ کاغذونه جمع کړي دي او کشر زوی زوهیب دراني د PK-100 صوبايي حلقې نه انتخاباتو ته تیاری کوي.

د اکرم خان دراني د تره زوی اعظم خان دراني هم د صوبايي څوکۍ لپاره نوماند دی.

د ګنډاپور کورنۍ

د ډيره اسماعيل خان د ګنډاپور خاندان څلور کسانو هم د نامزدګۍ کاغذونه جمع کړي دي چې پکښې پخوانې وفاقي وزير علي امين د ګنډاپور قومي او صوبائي اسمبلئ څوکيو ته اميدوار دي او د هغه ورور فيصل امين او د هغه ميرمن هم د نامزدګۍ کاغذونه جمع کړي دي۔ د ولایتي څوکۍ لپاره.

دغه راز علي امين ګنډاپور خپل پلار ميجر ريټائرډ امين الله ګنډاپور د قومي اسمبلۍ حلقه اين اے 44 نه د کانديد کولو فيصله کړې ده.

د امیرالمقام کورنۍ

د مسلم ليګ نون مشر امير مقام پخپله د اين اے او پي لپاره کاغذات جمع کړي دي، بل اړخ ته د هغه ورور ډاکټر عباد او زوي نياز احمد خان هم د شانګله صوبائي او قومي سيټ لپاره د نامزدګۍ کاغذونه جمع کړي دي۔

د ارباب کورنۍ

د پېښور نه پخواني وفاقي وزير او د پاکستان پيپلز پارټۍ مشر ارباب عالمګير د قومي اسمبلۍ څوکۍ لپاره د نامزدګۍ کاغذونه جمع کړي او د هغه زوی ارباب زرک خان د صوبايي څوکۍ لپاره کانديد دی، په داسې حال کې چې مېرمنې عاصمه عالمګير هم د قامي اسمبلۍ څوکۍ لپاره کاغذات جمع کړي دي. د ښځو ځانګړې څوکۍ سپارل شوې ده.

د پاکستان تحریک انصاف پخوانی ایم این اے ارباب شیرعلي یو ځل بیا د قامي اسمبلۍ څوکۍ ته کاندید دی او د هغه ورور ارباب محمد علي د صوبايي سیټ لپاره کاغذونه جمع کړي دي.

د شیرپا کورنۍ

د قامي وطن پارټۍ مشر افتاب خان شېرپاؤ د قامي اسمبلۍ حلقه این اے 24 او د هغه زوی سکندر خان شېرپاؤ د پی کی 62 نه د قامي اسمبلۍ څوکۍ لپاره کاغذات جمع کړي دي.

ایا میراثي سیاست ډیموکراسۍ ته ګواښ دی؟

د سیاسي کتونکو په اند، کورنۍ سیاست هر سیاسي ګوند ته زیان رسولی شي ځکه چې دا د کارګرانو ترمنځ د بې باورۍ فضا رامنځته کوي.

د موروثي سیاست له امله اکثره کارکونکي له خپلو مشرانو ناراضه کیږي، خو د هغوی شمیر ډیر کم دی، که د ټولو سیاسي ګوندونو کارکونکي له خپلو مشرانو څخه پوښتنې پیل کړي، موروثي سیاست پای ته رسیدلی شي.

بايد وويل شي چې په خيبر پښتونخوا کې د قومي اسمبلۍ څوکيو لپاره 1283 نارينه او  39ښځينه کانديدانې سيالۍ کړې دي.

د صوبايي اسمبلۍ لپاره 3349 نارينه او 115 ښځو خپل کاغذونه جمع کړي دي، په داسې حال کې چې د قومي اسمبلۍ لپاره 97 او د صوبائي اسمبلۍ لپاره 321 ښځو هم د ځينو څوکيو لپاره کاغذونه جمع کړي دي.

ياده دي وي چي د اليکشن کميشن لخوا د اميدوارانو د نامزدګئ کاغذونو پلټنه به د دسمبر تر 30مه نيټه جاري وي او د اميدوارانو نهائي فهرست به د جنورۍ په 12مه نيټه د استيناف او د نامزدګۍ کاغذونو واپس اخستلو نه پس جاري کيږي۔