تاند (سې شنبه، د قوس ۲۸ مه) د افغانستان د کرکټ د ملي لوبډلې درې نور لوبغاړي هم د هند د کرکټ په غوره لیګ یا آی پي ایل کې واخیستل شول.
په هغه بولۍ یا داوطلبۍ کې، چې پرون (سې شنبې) په متحده عربي اماراتو کې د هند د راتلونکي غوره لیګ د لوبغاړو لپاره وشوه، محمد نبي، مجیب الرحمان او عظمت الله عمرزی درو جلا ټیمونو واخیستل.
محمد نبي په ۱۵ میلیون هندي روپیو (۱۸- زره ډالر) له مومبي انډین، مجیب الرحمان په ۲۰ میلیون روپیو، چې د شاوخوا ۲۴۰ میلیون ډالرو معادل دي، له کلکتې رایډرز او عظمت الله عمرزی په ۵ میلیون روپیو یا ۶۰ زره ډالره له ګوجرات ټایټنز لوبډلو سره یوځای شول.
تر دې وړاندې راشدخان، رحمان الله ګوربز، نوراحمد لکڼوال، او فضل حق فاروقي د آی پي ایل لپاره غوره شوي وو.
دا به لومړی ځل وي چې د هند غوره لیګ ته دومره ډېر افغان لوبغاړي لار مومي.
تر ټولو دېر افغان لوبغاړي ګوجرات لوبډلې اخیستي. دې لوبډلې د راشد خان او نوراحمد لکڼوال ترڅنګ، چې تېر کال هم ورسره یوځای وو، سږ کال عظمت الله عمرزی هم اخیستی دی.
د نن ورځې په بولۍ کې د اسټرالیا تېز توپ اچوونکی میچل سټارک د کلکتې لوبډلې له لورې په ۲۴ کروړه او ۷۵ لکه هندۍ کروپیو واخیستل شو چې د لوړ قیمت له پلوه ریکارډ دی.