تاند (دوشنبه، د قوس ۲۷ مه) د پښتون ژغورنې غورځنګ (پي ټي اېم) د مشر منظور پښتين مدافع وکیل مصدق عزیز خټک ویلي چې پاکستان په ضمانت د نوموړي د خوشې کېدو هڅې ځنډولې دي.
د هغه په وینا،، د دوی د ضمانت غوښتلو وړاندیز د 25م دسمبر پورې ځنډول شوی خو دوی اوس هم په تمه دي چې غږ یې واورېدل شي.
خټک وویل، د ترهګرۍ ضد ځانګړې محکمه کې دوی ته ويل شوي وو چې قاضي ابوالحسنات محمد ذوالقرنېن اډياله زندان ته د عمران خان د قضيې اورېدلو دپاره تللی او د پښتين د ضمانت غوښتنې د اورېدو لپاره به ورته د دسمبر 25مه نېټه ورکړل شوې ده.
خو نوموړي وويل، يو خو د ضمانت په غوښتنه کې دومره اوږده نېټه نه ورکول کيږي او بل په 25م دسمبر رخصتي ده، ځکه دوی اوس هم نوموړي قاضي ته په تمه دي چې د منظور پښتین د ضمانت لپاره دوی واوري.
د یادونې وړ ده چې ښاغلی پښتین نږدې دوه اوونۍ وړاندې د بلوچستان په چمن کې پاکستاني ځواکونو پر هعه له ناکام وسله وال برید وروسته ونیوه او بندي یې کړ.
د هغه د نیول کیدو خلاف په بېلابېلو هېوادونو کې پښتنو فعالانو اعتراضیه غونډې کړي او د پاکستان دا عمل یې غندلی او د منظور پښتین پر وړاندې د قانوني او انساني چلند غوښتنې شوي.
قدرمن استاد دودیال دې ژوندی وي ، چې مونږ د خپل هېواد او نړیوالو پرېکړو ، مسؤولیتونو او مکلفیتونو نه خبروي.