پنجشنبه, جولای 25, 2024
Homeخبرونهد هندي سینما په یوه نوي فلم کې د افغان لوبغاړي مرکزي...

د هندي سینما په یوه نوي فلم کې د افغان لوبغاړي مرکزي رول

تاند(یکشنبه، د قوس ۵ مه) د نواب خان په نوم یوه افغان فلمي لوبغاړي د هندوستان په یوه تازه فلم کې مرکزي رول لوبولی.

هغه د اناري از بک (Anari is Backk) په نوم دغه فلم کې چې د نومبر به ۲۴ مه خپور شوی، خپل رول لوبول یو له توقع لیرې کار بللی او ټینګار یې کړی چې بهر مېشتي افغان سینماوال باید د افغاني فلمونو د جوړولو لپاره سره لاسونه ورکړي.

پر یاد شوي فلم تر۱۲۰ میلیونه هندي روپیو لګښت شوی او خلکو یې هرکلی کړی.

د افغانستان یو شمېر نورو فلمي څېرو هم په هندي سینما کې رول لوبولی، خو دا لومړی ځل دی چې یو افغان ځوان د یوه هندي فلم د مرکزي کرکټر په بڼه را څرګندیږي.

دا په داسې حال کې ده چې په افغانستان کې طالبانو د سینما په ګډون ټول هنرونه منع کړي او سلګونه فعالان یې هېواد پرېښودو ته اړ وېستي دي.

د طالبانو تر واک لاندې د افغان فلم اداره اوس تر ډېره د طالبانو لپاره تبلیغاتي ویډیوګانې جوړوي چې د دوی مخکیني ځانمرګي او نور بریدونه او اوسني توندلاري افکار پکې مثبت ښودل کیږي.

LEAVE A REPLY

Please enter your comment!
Please enter your name here

- Advertisment -

ادب