تاند (شنبه، د قوس ۴ مه) د بلخ په مرکز مزار شریف کې د روضې شریفې د مشهور جومات د بیارغونې چارې پيل شوې.
ځایي چارواکو ویلي چې دغه جومات د یوه ملي سواګر په ۱۰ میلیونه افغانیو رغول کیږي او موخه یې د روضې د تاریخي ابداتو خوندیتوب دی.
د دې پروژې یو شمېر انجینران د کارول کېدونکي باکیفیته تعمیراتي موادو خبر ورکوي. دوی وایي، په روضه شریفه کې د هرات ولایت مرمر کاشي کاروي، چې خورا ښه کیفیت او ددې جومات له معیار سره برابر ډيزاین لري.
د روضې شریفې د ریاست د مالوماتو له مخې؛ په یاد جامع جومات کې په یوه وخت د څه باندې اووه زره لمونځ کوونکو د ځایېدو ظرفیت لري.
دغه راز د دوی په خبره، له روضې څخه هره ورځ په اوسط ډول له ۷ زرو نه نیولې، تر ۱۰ زره پورې د بېلابېلو ولایتونو خلک او بهرني سیلانیان له یاد زیارت څخه لیدنه کوي.