تاند- په ارام یا پسفیک سمندر کې د جاپان (ایوو جیما) سواحلو ته مخامخ د سمندر د اوبو په منځ کې یوه نوي ټاپو سر راپورته کړ.
د جاپان د هواپېژندنې ادارې پر اساس، دا ټاپو چې تراوسه پورې ورته کوم نوم نه دی غوره شوی، تر سمندر لاندې د اتشفشان د فوران یا اورغورځي په نتیجه کې رامنځته شوی دی.
د جاپان سمندري ځواک د نوومبر په لومړۍ نېټه د ارام سمندر په زړه کې د دې ټاپو د رابرسېره کېدو تصویرونه ثبت کړای شوي دي.
په دغو تصویرونو کې یو کوچنی فوران لیدل کېږي چې له کبله یې له پاسه د ایرو لوګی او ورېځ څرګندېږي.
دا کوچنی ټاپو د اوګاساوارا ټاپوګانو په لړۍ کې یو بل زیات شوی ټاپو شمېرل کېږي.
Earth’s Newest Island Emerges from Submarine Volcanic Eruption Spectacular imagery documents the recent surtseyan submarine volcanic eruption off the shores of Iwo Jima, Japan. pic.twitter.com/S6w5eiZxyx
— The Spot (@Spotnewsth) November 6, 2023