تاند (سې شنبه، د میزان ۴مه) طالب چارواکي وايي، په پلازمېنه کابل کې د وسلو یوه ستره زېرمه وموندل شوه.
د کابل د امنیه قوماندانۍ ویندوی خالد ځدراڼ نن وویل، د درنو او سپکو وسلو او مهماتو یو ستر سلاکوټ په پلازمېنه کې د یوه سړک د جوړېدو په ترڅ کې وموندل شو.
ځدراڼ ویلي چې په دې زوړ زیرمتون کې زرګونه سپکې او درنې وسلې، کارتوسونه، د راکټ مرمۍ او فشاري ماینونه شامل دي.
افغانستان له ۱۹۷۹ څخه، چې شوروي اتحاد پرې یرغل وکړ، د جګړې او وسلو پر لابراتوار بدل شوی دی.
ځدراڼ ویلي چې موندل شوې وسلې پخوانۍ دي خو دا یې نه دي ویلي چې د کوم وخت دي اویا چا په دغه ځای کې پټې کړې وې.