تاند: (سې شنبه، د وږي ۷ مه ) د پاکستان د پلازمېنې اسلام اباد محکمې له بنده د پخواني صدراعظم عمران خان د خوشې کولو پریکړه کړې ده.
دغې محکمې دا هم ویلي، چې پر عمران خان د بند د شوي حکم د لغوه کیدو غوښتنه یې هم منلې ده.
سرچینې زیاته کړې، چې د دې پریکړې نور جزییات به وروسته روښانه کړي.
معلومه نه ده، چې د اټک له زندانه خوشې کیدونکی عمران خان به له دې پریکړې سره په سیاست او را نږدې ټاکنو کې بیا ګډون وکړای شي کنه؟
د هغه خلاف په وروستیو کې د مخالفو ګوندونو ایتلافي حکومت او ورسره وران شوي پوځ او نورو ادارو ځپونکي ګامونه اخیستي.
له دې سره، عمران خان بیا هم د دودیزو ګوندونو خلاف لوی سیال ګڼل کیږي.
عمران خان د دولتي ډالیو په پلورلو تورن او له دې امله په بند محکوم شوی و.