تاند: (یکشنبه، د وږي ۵ مه ) د بغلان په اندراب ولسوالۍ کې د ترافیکي پېښې له امله نن ۶ تنه مړه شوي او ۳ نور ټپيان دي.
ځایي سرچینو ویلي، چې دا پېښه نن سهار وخته د بنو اندراب- بغلان پر لویه لاره سېند ته د یوه موټر د غورځيدو له امله رامنځته شوې ده.
د طالبانو ځایي چارواکو په دې تړاو څه نه دي ویلي.
د طالبانو له بیا واکمنیدو مخکې ترافیکي پېښې او د موټر چلوونکو بې احتیاطي په افغانستان کې له جګړې وروسته د زیاتې مرګ ژوبلې اصلي دلیل بلل کیده.
اوس ګومان کیږي، چې د طالبانو د جګړې له دریدو سره به تر ټولو زیاته مرګ ژوبله، د ترافیکي پېښوله امله افغانانو ته اوړي.