تاند: (چار شنبه، د وږي لومړۍ) د ملي جمهوري غورځنګ ګوند مشر او د پاکستان په پارلمان کې د وزیرستان استازي محسن داوړ د پاکستان د دفاع مخکیني وزیر خواجه آصف ته په خطاب کې ویلي، چې که افغان طالبان د ازادي غوښتنې مبارزین وي، پاکستان طالبان هم همداسې دي.
نوموړی، چې تل یې په افغانستان کې له جګړې او طالبانو څخه د پاکستان د ملاتړ په اړه نیوکې کړي، په پاکستان کې د طالبانو فعالیتونه هم د پاکستان د ناسمو سیاستونو زېږنده بولي.
دا په داسې حال کې ده، چې په وروستیو کې پاکستان د تحریک طالبان له زیاتو شویو بریدونو پرله پسې شکایت لري او په کابل کې د طالبانو واکمن رژیم له پاکستاني طالبانو سره په اړیکو تورنوي.
د کابل رژیم بیا د پاکستان دا تور بې اساسه بولي، چې ګواکې افغان خاوره د پاکستاني طالبانو لخوا استفاده کیږي.
داوړ صاحب مونږ هم دا وایو چې یو بام او دوه هوا.
یوې خوا ته جهاد ، بلې خوا ته ناروا.