تاند: (یکشنبه، د زمري ۲۹ مه ) د افغانستان د تکواندو لوبغاړيمحسن رضايي د تکواندو د نړیوال فستیوال اتلولي وګټله.
دغه لوبغاړي د جنوبي کوریا په کوربه توب د تکواندو د نړیوال فیستیوال په لوبو کې د پاکستان، جنوبي کوریا او د نړیوال فدراسیون د کډوالو د ټیم لوبغاړي مات کړل او د سرو زرو مډال یې وګاټه.
محسن رضايي چې په ۵۸کیلو وزن کې لوبیږي په ټیمي برخه کې هم د افغانستان په ګټه د جنوبي کوریا دوه لوبغاړي مات کړل.
هغه دوه اوونۍ وړاندې هم د جنوبي کوریا په کیم اونیونګ سیالیو کې د نقرې مډال ګټلی وو.
تمه ده د تکواندو د نړیوال فیستیوال په پاتې لوبو کې د افغانستان دوه نور لوبغاړي حکمت الله زین او محمد اشرف شکران د مغلستان او پاکستان په وړاندې لوبې وکړي.
په وروستیو کې په کور دننه له سیاسي او بشري ناورین سره – سره افغان لوبغاړي پر نړیوال ډګر ښه ځلیږي او خپل هېواد ته ویاړونه ګټي.