تاند: (یکشنبه، د زمري ۲۹ مه ) د برېتانیا په مرکز لندن کې یوې محکمې، یو افغان پناه غوښتونکی د یوې ۱۲ کلنې البانیایي نجلۍ د جنسي ځورونې په تور په ۱۲کاله بند محکوم کړی.
ویل شوي، چې دغه محکوم شوی افغان ۲۵ ویشت کلن دی او سخي داد احدي نومیږي.
هغه تورن دی، چې د لندن په کوینس هوټل کې چې د پناه غوښتونکو په هوټل پېژندل کېږي، یوه البانیايي ۱۲کلنه کډواله نجلۍ دوه واره له جنسي پلوه ځورولې ده.
احدي چې په لنډمهالي هوټل کې هستوګن و، له هغې ډلې افغانانو دی چې د طالبانو له بیا واکمنېدو راهیسې بریټانیا ته وړل شوی او هلته یې ادعا کړې وه، چې د طالبانو له ویرې راتښتېدلی دی.
د هغه محاکمه کوونکي قاضي، نوموړی یو خطرناکه سړی بللی او په ۱۲ کاله بند یې محکوم کړی دی.
دغه محکوم شوي افغان په دې اړه څه نه دي ویلي.