تاند: (پنجشنبه، د زمري ۲۶ مه ) سیمه ییزې سرچینې وایي، چې په کندوز کې د طالبانو یو قومندان د ناڅرګندو کسانو لخوا وژل شوی.
ویل شوي، چې دغه طالب قومندان سمیع الحق نومیده او تر دې مخکې یې د کندوز په امنیه قومندانۍ کې د نیشه یي توکیو پر وړاندې د مبارزې د مدیر په توګه دنده ترسره کوله.
د معلوماتو له مخې، قومندان سمیع الحق تېره شپه د کندوز په یوه هوټل کې د شوي برید امله وژل شوی.
سیمع الحق، د کندږز د چهاردرې ولسوالۍ اوسېدونکی او د طالبانو له مهم قومندانانو څخه شمېرل کیده.
د طالبانو ځایي چارواکو په دې اړه څه نه دي ویلي او د برید مسوولیت چا پر غاړه نه دی اخېستی.