تاند: (سې شنبه، د زمري ۲۴ مه ) د هالیووډ سینما وتلې ستورې انجلینا جولي، د طالبانو له زندانه د تعلیمي هڅو د مخکښ فعال مطیع الله ویسا د خوشې کیدو غوښتنه وکړه.
نوموړې په یوه لیک کې، چې د ویسا په نوم یې خپور کړی ویلي: “د افغانستان په زندانونو کې ښوونکي، خبریالان او د بشري حقونو مدافعین ځای نه لري. تاسو او د مدني حقونو ټول هغه فعالان چې پرته له کوم تور په زندان کې ساتل شوي یاست، ځای مو ستاسو په خپله په ټولنه کې دی، چېرته چې تاسو د افغانانو لپاره ډېر ښه کارکوئ.”
تر دې مخکې بېلابېلو نړیوالو بنسټونو په ځلونو- ځلونو له طالبانو د ویسا د خوشې کیدو غوښتنه کړې ده.
ویسا، له نږدې پنځو میاشتو راهیسې له طالبانو سره بندي دی.
طالبانو د هغه د بندي کولو کوم دلیل نه دی روښانه کړی.
ویل کیږي، چې د نوموړي کورنۍ ته له هغه سره د لیدو اجازه نه ورکول کیږي.
د ویسا ترڅنګ طالبانو یو شمېر نور فعالان هم په زندان کې ساتلي دي.
د بشري حقونو یو شمېر نړیوال بنسټونه، طالبان د بشري حقونو په پراخ نقض تورنوي او له نړیوالې ټولنې غواړي، چې د دغو کړنو حساب ورڅخه واخلي.
دا د صهیونیزم سمبول او مبلغ ولی د ۳۰ میلونو وږو انسانانو د درد چیغه نه اوری؟ البته د مطیع الله ویسا د خوشی کیدو چیغه خو د هر افغان ملی – انسانی مکلفیت دی.
دانو څه مانا لري ؟؟؟ ضرور ندی چې په هر کار کې دخالت وشي ! دا دصهونیزم او انګلو زکسن ترمینالوګي او یادول یې څه ؟ څوک چې هوشیار وي د مور شیدې دشي څوک چې احمق وي خیرات به خوري !
محترم مشر ورور غ.حضرت خان ته په بیا سلامونو
هغه ویسا چې ما پخواني کمڼټ کښې مقصد و ، مطيع الله ویسا و ؛نه توریالی ویسا
وبښه ، بلا په تقاعد هم کړې ،سړي نه ډیر نومونه هیروي؛ خیر به غواړو چې الزهایمر=هیرجنتوب مو ونه نيسي.!
بیا هم ستاسو له پاملرنې مڼنه؛ او هم د ویسا کورنۍ نه په بخشش غوښتلو.
ډ.ساپی/ بروکسل/ ۱۵ آوګوست
دطوالبو موشرون پنجاپیان اجازه نه ویرکوی
هغو بادورانو چه اجازه ویرکړی خوشی به شی