تاند: ( يکشنبه، د زمري ۱۵) د خوست په ځاځي میدان کې د یو خیرات لسګونه ګډونوال مسموم شوي دي.
سيمه ييزو سرچينو وویل، چې په مسموم شویو کې کوم کس نه دی تلف شوی.
د دوی په وینا، د پيښې ځای ته په لږ وخت کې روغتیايي ټیمونه ورورسیدل او مسموم شوي کسان يې د ځاځي میدان، باک، صبریو او د خوست مرکزي روغتونونو ته ولیږدول.
په خوست کې د طالبانو د امنيه قوماندانۍ وياند مستغفر ګربز د پېښې په اړه د پلټنو د پیل خبر ورکړی.
ځاځي میدان د خوست ولایت شمال ختیز لوري ته لیرې پرته ولسوالۍ ده، چې د کورمې او پاړه چنار سره پر پوله پرته ده.