تاند- په تیرو دوو ورځو کې پر له پسې دوو زلزلو د افغانستان او ګاونډیو هیوادونو ډیرې برخې ولړزولې.
د جرمني د زلزلې د څیړنیز مرکز پر اساس، د پرونۍ (یکشنبې) زلزلې شدت د ریښتر په حساب ۵ اعشاریه ۱ و.
د دې زلزلې، چې د مازدیګر په ۵ بجې او ۲۳ دقیقې وشوه، مرکز له فیض اباد ښاره ۵۳ کیلومتره لېرې په مځکه کې ۸۶ کیلومتره ژور و.
د امریکا د جیولوجیکې سروې ادارې ویلي چې د تېرې شپې زلزله د ریښتر په حساب پنځه اعشاریه اته درجې او مرکز یې هم د هندوکش د غرونو لړۍ وه.
د دې ادارې په پر اساس، د زلزلې ټکانونه د افغانستان ترڅنګ په پاکستان، هند، تاجکستان او ازبکستان کې هم احساس شوي دي.