تاند: ( سې شنبه، د زمري ۳ مه ) د ننګرهار په روداتو ولسوالۍ کې د دوه کورنیو ترمنځ خپل منځي شخړه شوې، چې په کې یو تن وژل شوی او څلور نور ژوبل دي.
په ننګرهار کې د طالبانو د امنیې قومندانۍ مطبوعاتي مسوولینو ویلي، چې دغه نښته د روداتو ولسوالۍ په مزینې کلي کې د دوو کورنیو ترمنځ د خپلمنځي اختلافاتو له امله شوې ده.
خبر زیاتوي، چې د دغو کورنیو ترمنځ یاد جنجال له پخوا څخه موجود و، چې تېره ماښام یې یو بل په لرګیو او تبرګیو باندې وهلي دي.
اوړمه ورځ د ننګرهار په خوږیاڼو ولسوالۍ كې د یوې شخصي شخړې له امله یو تن وژل شوی او بل ټپي و.
په وروستیو کې له مختلفو سیمو څخه داسې خبرونه زیات شوي.