تاند: ( سې شنبه، د سرطان ۲۷ مه) په داسې حال کې، چې د بریتانیا د پارلمان د دفاعي کمېټې مشر توبایس الووډ له کابل سره د دیپلوماتیک تعامل پر زیاتیدو ټینګار کړی؛ د طالبانو د بهرنیو چارو وزیر ملا امیرخان متقي د دوی رژیم سره د نړیوال تعامل زیاتیدو ته هیله من دی.
د بریتانیا یاد شوي پارلماني مقام په یوه مقاله کې ویلي، چې طالبان له ستونزو سره – سره لاسته راوړنې لري او د وضعیت د لا خرابیدو د مخنیوي لپاره ضرور ده، چې بریتانیا په کابل کې خپل سفارت بیرته پرانیزي.
د طالبانو د بهرنیو چارو وزیر بیا په کابل کې ویلي، چې نړیوال ورو- ورو د دوی په اړه اعتراف کولو او ورسره تعامل ته مجبوریږي.
هغه د نیشه یي توکیو، اداري فساد او نورو ستونزو ختمول د خپل رژیم لاسته راوړنې ګڼلي او ویلي، چې که نړیوال بندیزونه ورباندې نه وي، وضعیت لا ښه کولای شي.
د طالبانو منقدان بیا باور لري، چې طالبان افغانانو سره له تعامل پرته، بریالي کیدای نه شي او نه باید دا اساسي اړتیا له پامه وغورځوي.
ملا متقي ته باید وویل شي ، چې خارجیانو ته زارۍ مه کوئ، خپل خلک او ولس پخلا کړئ ، له هغوی سره انساني چلند شروع کړئ ، د تکبر له خرو راښکته شئ ، هرڅه به ژر سم شي . او که همداسې د شیطان په خره سپاره اوسئ ، ګومان نه کوم دا وړۍ تاسو شړۍ کړې .