تاند: ( جمعه، د سرطان دویمه) د طالبانو د کورنیو چارو وزیر سراج الدین حقاني په افغانستان کې د دغه سازمان له ځانګړي همغږي کوونکي فریدون هادي سینیرلیوغلو سره په لیدنه کې ویلي، چې په افغانستان کې د داعش ګواښ د اندیښنې وړ نه دی.
د طالبانو د خبرپاڼې له مخې، په دې لیدنه کې د ملګرو ملتونو استازي ویلي، چې نړیواله ټولنه له افغانستان سره ښې اړیکې غواړي.
د ملګرو ملتونو استازي بشري حقونه د ټولو خلکو له اساسي حقونو څخه وبلل او ټینګار یې وکړ چې د ملګرو ملتونو اندېښنې باید په پام کې ونیول شي.
حقاني له نړۍ سره د تعامل په اړه وویل: له افغانستان سره د نړۍ تعامل لا هم د شل کلن اشغال تر سیوري لاندې دی او دا د هغه وخت د سیاستونو تسلسل دی، چې موږ یې نه لرو.
طالب وزیر له نشه یي توکیو سره مبارزې ته په اشارې وویل: موږ د نشه یي توکیو په له منځه وړلو کې خپلې ټولې هڅې کړي او په دې برخه کې مو خپل مسوولیت ادا کړی دی. نړیواله ټولنه هم باید د افغان بزګرانو لپاره د بدیل معیشت په برابرولو کې د مرستې په برخه کې خپل مسوولیت ادا کړي.
هغه د افغانستان امنیتي وضعیت د ډاډ وړ وباله او په دغه هېواد کې د ناامنۍ د رامنځته کولو لپاره د دښمنانو هڅې یې ناکامې وبللې، وې ویل: داعش جنګیالي په افغانستان کې ښکاره حضور نه لري، ممکن په افغانستان کې د دوی محدود فکري ملاتړي ولري، خو د اندېښنې وړ خبره نه ده. د دې پدیدې څخه د زیاتو ذکر کولو څخه باید مخنیوی وشي.
دا په داسې حال کې ده، چې د امریکا ترڅنګ د سیمې یو شمېر هېوادونه په پرله پسې ډول په افغانستان کې د داعش ډلې د فعالیتونو په اړه اندیښنه څرګندوي.
دا خبیث رښتیا وایې ، حقاني شبکه ، هیبتې ځناور د ترهګري او تروریزم پلار او داعش یې مور دي. د دغو دواړو نکاح ای آیس ای تړلي او سی ای ای او ام ای ٥ یې شاهدان او ایران یې د نکاح پلار دي.
حقاني مسلي یا ډم ته د دغې خبري د کولو اړتیا نسته!