پنجشنبه, مارچ 28, 2024
Homeخبرونهبلاول بوټو بیا له افغان خاورې پاکستان ته د تروریستي خطرونو تور...

بلاول بوټو بیا له افغان خاورې پاکستان ته د تروریستي خطرونو تور پورې کړ

تاند:( شنبه ، د جوزا ۶ مه )  د پاکستان د بهرنیو چارو وزیر بلاول بوټو زرداري د دغه هېواد د مشرانو جرګې د بهرنیو اړیکو په کمېټه کې د وینا پر مهال یو ځل بیا له افغان خاورې پاکستان ته د تروریستي خطرونو د پېښیدو تور پورې کړ.

نوموړي په افغانستان کې د طالبانو له رژیمه وغوښتل، چې د پاکستان له تحریک طالبان سره جدي چلند وکړي.

هغه وویل: که له افغانستان څخه د تروریستي ګواښونو رامنځته کېدو ته د سرپرست حکومت او نړیوالې ټولنې له خوا جدي پام ونه شي. بیا به یو ناورین ته په تمه اوسوو.”

هغه زیاته کړه: اوس موږ حقایق لرو چې خپل ګاونډی ته ووایو، موږ د احساساتو خبرې نه کوو. موږ حقایق لرو چې د کابل له سقوط ۶۰۰ ورځې وړاندې په پاکستان کې د ترهګرو ډلو له لوري پنځه ترهګریزې پېښې شوې وې، خو د کابل له سقوط شپږ سوه ورځې وروسته دا شمېره ۵۰ ته ورسېده، نو اوس دا زموږ اصلي اندېښنه ده.

نوموړي د اسلام اباد او کابل ترمنځ پر تعامل د ټینګار ترڅنګ وویل، د ټول شموله حکومت د جوړېدو، د ښځو او نجونو د حقونو د بېرته ستنېدو او د افغانستان د غیر ګواښونکي ماهیت په اړه د پاکستان په ګډون د ګاونډیو هېوادونو اندېښنې د ګاونډیو هېوادونو په ګټه دي.

زرداري د خپلو خبرو په دوام وویل: کله چې تاسو له هیوادونو سره دوه اړخیزې ناستې کوئ، هر څوک ورته اندیښنه لري. دوی ټول په افغانستان کې اقتصادي ثبات، د ښځو حقونه، ټول شموله او د امنیتي اندیښنو د حل غوښتونکي دي.

د پاکستان د بهرنیو چارو وزیر زیاته کړه: “زه فکر کوم چې موږ په نړیواله کچه د افغانستان په اړه کافي همغږي نه لرو، خو کله چې دوه اړخیزې ناستې کېږي، دا اندېښنې راپورته کېږي.”

طالبانو مخکې د پاکستان دا ډول تورونه او اندیښنې رد کړي، خو تازه دریځ ته یې غبرګون نه دی ښودلی.

2 COMMENTS

  1. زاویه نیوز:
    د عوامي ملي ګوند مشر ايمل ولي خان وايي، طالبان امريکا پر افغانستان واکمن کړل او نن همغوی ورته ډالري کڅوړې را استوي. نوموړی يوې پاکستانۍ رسنۍ سره مرکه کې د خبريال دې پوښتنې ته په ځواب کې، چې د افغانستان سرنوشت به څنګه کېږي وايي، تباهي. د نوموړي په وينا، په افغانستان کې پرونۍ جګړه او نننۍ واکمني بهرنۍ پروژې دي او ټول د افغانانو د وژلو لپاره ډيزاين شوې دي: «په قطر کې کېنول، ورسره خبرې کول او واکمنول ټول د لويو قدرتونو د ګټو لپاره دي. پر بانکي سيستمونو د بنديزونو له وجې ورته ډالر په الوتکو کې د همدې هدف لپاره را استول کېږي.»

  2. یاره چا که اردو لیکل زده وي ، نو دې بړوا ته دي ولیکي چې ته ولاړ سه هغه مرتد نیکه دي او رنډۍ مور دي وګټه بیا راسه دا ببو لالي زمزمه کوه.

LEAVE A REPLY

Please enter your comment!
Please enter your name here

- Advertisment -

ادب