تاند:( شنبه ، د غویي ۲۳ ) د ننګرهار ولايت بټي کوټ ولسوالۍ کې د ۲۰۲۳ کال د پوليو لومړنۍ مثبته پېښه ثبت شوه.
د دې ولایت لپاره د طالبانو ولایتي ادارې ویلي، چې د دغې پېښې لامل له وړاندې د پوليو ويروس موجودیت ښودل شوی.
د عامې روغتيا وزارت او د يونيسف ادارې مسئولينو د دې پېښې په تاييد سره ويلي، چې راتلونکې دوشنبې ورځ به د پوليو ضد واکسين کمپاين پيل شي او له ولسونو يې غوښتي چې خپل په شرايطو برابر ماشومان واکسين کړي.
د پولیو ناروغۍ د دوام یو اصلي لامل د خپلې تېرې جګړې پر مهال د یاد شوي ویروس د واکسین پر وړاندې د طالبانو خنډ کیدل ګڼل کیږي.
پوليو تلپاتې معلوليت لرونکې ناروغي ده چې درملنه نه لري؛ خو وقايې او واکسين سره يې مخنيوی کيدلی شي.