تاند: ( دو شنبه، د حمل ۲۸ مه) د لوړو زده کړو وزارت طالب واکمنان وايي، چې ننګرهار پوهنتون د بایو ساینس نړیوال علمي ژورنال د نشر جواز ترلاسه کړی.
د دغه وزارت لپاره د طالبانو د رژيم مرستيال لطف الله خیرخواه ويلي، چې د ملي او بین المللي علمي او تحقیقي ژورنالونو د ایجاد د پوهنتونونو د کیفیت په لوړوالي کې مهم رول لري.
طالبانو نه دي ويلي، چې دغه نړيوال جواز ېې څنګه تر لاسه کړی.
د دوی په وینا، ننګرهار پوهنتون د پوهې، حق، طبي پوهې، کرکېلې، شريعت وړانګې او ادب پوهې په نومونو شپږ ملي علمي ژورنالونه او د بایو ساینس په برخه کې یو نړیوال اکاډمیک ژورنال لري، چې د دې پوهنتون د استادانو فرعي علمي اثار پکې چاپيږي.