تاند:( پنجشنبه ، د حمل ۲۴ ) د ترکیې حکومت ۱۳۸ افغان کډوال له ایران څخه کابل ته په یوه الوتکه کې ایستلي دي.
اناتولي خبري اژانس لیکلي چې دغه کسان د ناقانونه کډوالۍ له امله ویستل شوي او په دې اړه به هڅې لا دوام ولري.
تر دې مخکې ترکي رسنیو اعلان کړی و، چې د ناقانونه کډوالو د ایستلو د پروسې په لړ کې ۳۶۵ افغان کډوال له انقرې څخه کابل ته ستانه شوي دي.
ترکیې ته ورغلي افغان پناه غوښتونکي شکایت کوي، چې په هېواد کې د طالبانو له لاسه ورځ نه لري او له ترکیې په زوره له ټولو خطرونو سره شړل کیږي.
مخکې له افغان پناه غوښتونکو سره د ترکي ځواکونو د ناوړه چلند راپورونه هم ورکړل شوي، چې یو شمېر نړیوالو بنسټونو دا راپورونه تایید او د ترکیې چلند غندلی.