تاند:( چار شنبه ، د حمل ۲۳ ) د طالبانو د رژیم کابینې، د دوی د رئیس الوزرا ملا محمد حسن اخوند په مشرۍ په خپله اونیزه غونډه کې د بریښنایي تذکرو په ګډون د حقوقي اسنادو بیې لوړې کړي دي.
د ملا حسن اخوند دفتر په یوه اعلامیه کې ویلي: د احصايې او معلوماتو ملي ادارې له لوري د برېښنايي پېژندپاڼو لپاره ۵۰۰ افغانۍ، د کاغذي پېژندپاڼو د نوي کولو، مثنی او تایید لپاره ۲۰۰ افغانۍ، د ماشوم د زېږېدنې کارت ۲۰۰ افغانۍ او د لویانو لپاره ۵۰۰ افغانۍ، په غیابي ډول د پېژندپاڼې د مثنی، وېش او یا تائید ۲۰۰ ډالر او د غیابي زېږېدنې کارت د وېش لپاره هم ۲۰۰ ډالر تائید شوې.
په ټولنیزو رسنیو کې یو شمېر افغانانو په دې اړه توند غبرګونونه ښودلي او ویلي، چې طالبان د خپل تش لاسي رژیم اقتصادي اړتیاوې پر فقر ځپلي ولس تاوانوي.
طالبانو، د واک له بیا تر لاسه کولو سره په نورو برخو کې هم مالیې او د دولتي خدماتو بیې لوړې کړي، چې خلک ورڅخه شکایت لري.
د پیسو سره ډیره کرکه لرئ ! نو ههههه
د ترهګرو طرفداران او شریر اشرار دي نه لولي:
د اسنادو د توزیع قیمتونه لوړ سول ځکه په ارګ کې د توف دانیو، نصوارو او چرسو استعمال اومصرف خورا لوړ تللي.