تاند (دوشنبه، د حمل ۲۱مه) د طالبانو د حکومت د معاشونو او تشکیلاتو د تنظیم کمیسیون د پوهنتونونو د استادانو او علمي کدرونو معاشونه لوړ کړل.
د لوړو زده کړو وزارت په یوه خبرپاڼه کې ویلي چې د معاشونو او تشکیلاتو د تنظیم کمیسیون له پرېکړې سره سم د پوهاند د علمي رتبې معاش له ۳۹ زره افغانیو ۶۰ زره افغانیو، د پوهنوال معاش له ۳۳ افغانیو ۴۵ زره افغانیو، د پوهندوی معاش له ۲۷ زره افغانیو ۳۸ زره افغانیو، د پوهنمل معاش له ۲۱ زره افغانیو ۳۰ زره افغانیو، د پوهنیار معاش له ۱۸ زره افغانیو ۲۵ زره افغانیو او د کاندید پوهنیار معاش له ۱۳ زره ۵۰۰ افغانیو ۲۰ زره افغانیو ته لوړ شوی دی.
د لوړو زده کړو وزارت ویلي چې دا معاش به د سږني ۱۴۰۲ لمریز کال د حمل له میاشتې ورکړل شي.
ډیر ښه او پر ځای اقدام دۍ.
زموږ مهربان استادان او علمی کدرونه د لا ډیر قدر او عزت وړ دی.