شهاب
زه په دي باور یم چې امریکا او طالبانو ترمنځ د دوحي تړون په ضمایمو کې همدا خبرې شاملې وي. چې طالبه ماته ګواښ مه جوړوه ته که په خپل وطن کې هرڅه کوي هغه کوه. که دې ښځو ته د زده کړو ممانعت کاوه، که دي یوازې د ملایانو حکومت جوړاوه او که دي څوک وژل یا له ملکه شړل په هغوو به امریکا او آن نور هیوادونه هیڅ کار نه لري. یوازې به په خوله، او اعلامیو ستا کړنو ته غبرګون ښيي یا به هم د سفر بندیزونه درباندې اعلانوي خو په عمل کې به بیا دا سفرونه هم کولای شي. لکه د بندیزونو په مهال مسکو ته د خیرالله خواه سفر چې تر سره شو. بله خبره دا هم ده طالبان هم لکه سبا چې له دې وطنه روان وي، داسې کارونه کوي چې ویجاړیدو ته يي پلمه جوړه شي. دا نیم نیمه چه وطن په یو ډول بیا وړان کړي. شمالي کې بیا باغونه وسوځي، خلک نور هم پسي کډوال شي، پاکستانۍ کالداره بیا ۱۵۰۰ افغانیو ته ورسوي. داسې کارونه کیږي چې سړی ورته حیران پاته شي، ایا د یوې بلې ګډوډۍ له پاره خو به لاره او چاره نه لټوله کیږي؟ کنه خلک ورته وايي دوئ يي خبره نه مني ځان هم د خلکو استازی حکومت بولي.