تاند:( یکشنبه، د حمل ۱۳ ) د طالبانو د مالیې وزارت وایي، چې د بودیجې د نه توشیح کیدو له احتمال سره به بیا هم له کوچني اختر مخکې د روژې او اختر په درناوي دولتي کارکوونکو ته معاشونه ورکړي.
دغه وزارت په یوه اعلامیه کې نه دي ویلي، وچې د بودیجې توشیح ولې ځنډیدلې او ستونزه چېرته ده؟
دا په داسې حال کې ده، چې یوه لویه برخه دولتي کارکوونکي، په ځانګړي ډول له جمهوري نظام څخه پاتې هغوی یې د بودیجې د نه توشیح له امله اندیښمن دي او وايي نه پوهیږي چې د نوي کال په تشکیلاتو کې به یې دندې خوندي وي کنه؟
په وروستیو کې د طالبانو د مالیې وزارت او د دوی د نا لیدل شوي مشر ملا هبت الله ترمنځ د اختلافاتو خبرونه ورکړل شوي.
ملا هبت الله له همدغو خبرونو سره هم مهاله، د ده د مالیې وزیر ملا هدایت الله بدري له دغه وزارت څخه د افغانستان بانک مشرۍ ته تبدیل کړ.
مالیې وزارت ته طالبانو تراوسه بل وزیر نه دی ور پېژندلی.
د طالبانو یو شمېر منتقدانو تور لګولی، چې ملا هبت الله د مالیې وزارت په ۶۰ میلیارده افغانیو ځانته په کندهار کې ۴۰ زره کسیز قومي لښکر جوړ کړی، خو طالب ویاندیانو په ماليې وزارت کې د دوی د خپلمنځیو ناندریو ادعاوو ته غبرګون نه دی ښودلی.
شیخ صاحب خدای تعالی ته به د قیامت په ورز سه جواب وایی! کله چی و پوشتل سی ایا کار دی اهل کار ته سپارلی وو؟ شیخ دلاور او د کانونو وزارت دیر لیری خبره ده! شیخ بدری او مالیه وزارت! شیخ ندیم او تحصیلات عالی! ایا شیخ ندیم د جهان د ۱۰ هیوادو تحصیلی نظام او مدولونو کی معلومات لری؟