تاند:( شنبه، د حمل ۱۲ ) د ننګرهار لپاره د طالبانو د والي مرستيال مولوي محمد رباني ناصح د دغه ولایت د شینوارو له یوه اوسیدونکي حکمت الله خالد سره لیدلي او د نقدي ډالۍ ترڅنګ یې د هغه قدرداني کړې ده.
د طالبانو په اعلامیه کې راغلي، دغه کس « غازي» ګڼل شوی او ویل شوي، چې هغه شاوخوا ۱۰ کاله مخکې په شینوارو کې د امریکا
۲۶ کلن خورد ضابط مایکل کیبليو د چاقو په ګزارونو وژلی او له سیمې تښتیدلی و.
د طالبانو د اعلامیې له مخې، دا بريد لس کاله وړاندې د ۱۳۹۲ کال د ورې مياشتې په ۱۲مه نېټه شوی او د امريکايي ځواکونو له لوري تاييد شوی و.
امریکایي ځواکونو هغه مهال د خپل دغه عسکر د قاتل د وژلو ادعا کړې وه، خو طالبان وایي چې هغه قاتل وژل شوی نه و؛ بلکې تښتیدلی و.
د طالبانو مرستيال والي مولوي محمد رباني ناصح نوموړی « اتل» او « غازي» بللی او د نوموړي دغه ادعا شوې کړنه يې د افغانانو په تاريخ کې« ستره ميړانه» ياده کړې ده.
د طالبانو په خبرپاڼه کې راغلي:(( نوموړي ياد غازي سره نغدي مرسته وکړه، هغه ته يې د هر راز همکارۍ ډاډ ورکړ او زياته يې کړه چې ا.ا به خپلو غازيانو ته چې په تېر کې يې داسې اتلولۍ ښودلې ځانګړې پاملرنه وکړي.))
امریکایي چارواکو د طالبانو د دغې ادعا په اړه څه نه دي ویلي.
دایو د غلو خوراک او جهالت دی نه اسلامی جواز لري او نه مدني ! دا یو بربریت دی
نو بیا د روسانو او انګریزانو قاتلین هم ټول مردار مرګ اعلان که
دا دی دوی دیپلوماتیک ظرفیت دی او هیله لری چی نړی یی په رسمیت وپیژنی.
ډیر لوړ او پر ځای اقدام دۍ.
په د هیله چه په ډالیو بسنه ونشی او د هر یو شهید او غازی په نومونو زموږ د کلی او کڅو نومونه ونومول شی تر څو د نوی نثل لپاره بیلګه وی.
ممکن دا امریکایی دیو چا پلار یا ورور وی نوځکه یې خوا په بدیږی.
زما هم دا نظر دی د هر خارجی وژونکی اتل دی
باید تقدیر سي
ای احمقه وحشی نه يوازې په مدني قانون کې بلکې په شرعي زړو عربي قوانینو کې هم له جنګه پرته وژل ناروا دي ! تاسې د لوده زامن په وژلو کې قدرت او پيسې پيداکوۍ ، سترګې مو خړې نیولې په ښځو مو ژوند تریخ کړی او طبعي حقوق مو ترې اخیستي دي نعلت ستاسو په دین او شریعت !!