تاند:( یکشنبه، د حمل ۶ ) د طالبانو استخباراتو په یوه اعلامیه کې ادعا کړې، چې په بلخ کې یې د څه موده مخکې عملیاتو پر مهال د داعش ډلې ډېر مهم کسان وژلي.
سرچینې ویلي، په دغو عملیاتو کې د افغانستان لپاره د داعش ډلې مخکینی مشر مولوي ضياء الدين، چې په اوس وخت کې یې د قضاء د ادارې مسؤل او په مولوي محمد مشهور د دغې ډلې له دوو نورو غړو سره وژلي.
سرچینې ویلي، چې په دغو درېیو تنو کې یو تن پاکستانی او بل د تاجیکستان تبع و.
طالبانو ویلي، چې څه موده مخکې یې په فاریاب کې د ترسره کړو عملیاتو پر مهال د داعش ډلې هغه غړي نیولي، چې د بلخ لپاره یې د طالبانو د والي ملا داود مزمل وژل پلان کړي وو.
داعش ډله معمولاً د داسې ادعاوو په اړه څه نه وایي.