تاند: ( چارشنبه، د کب ۳ ) د د طالبانو تر کنټرول لاندې د افغانستان ملي ټلويزيون اعلان وکړ، چې سبا به په هېواد کې د روژې میاشتې لومړۍ ورځ وي.
سرچينې ويلي، چې دا پريکړه د طالبانو د سترې محکمې د رئيس شېخ عبدالحکیم حقاني په مشرۍ د روژې د معلومولو ځانګړې کمېټې کړې ده.
په ورته وخت کې د طالبانو د کار او ټولنيزو چارو وزارت ویلي، چې د روژې په مناسبت به سبا دولتي ادارې رخصت نه وي.
د جمهوري نظام پر مهال د روژې لومړۍ ورځ عمومي رخصتي وه.
پرون سعودي عربستان هم اعلان وکړ، چې د پنجشنبې ورځ به د روژې میاشتې لومړۍ ورځ وي.
د هېواد د سترې محکمې د حکم په اساس سبا ورځ د رمضان میاشتې لومړۍ ورځ ده.
ټولو هېوادوالوته د روژې مبارکې میاشتې د راسیدو او پیل په اړه مبارکي وایو او له الله تعالی څخه غواړو چې د ټولو روژې او عبادات قبول او منظور کړي.— Zabihullah (..ذبـــــیح الله م ) (@Zabehulah_M33) March 22, 2023