دوشنبه, جون 24, 2024
Homeخبرونهملګرو ملتونو افغانستان سره بشري مرستې کمې کړي

ملګرو ملتونو افغانستان سره بشري مرستې کمې کړي

تاند:( چار شنبه، د حمل ۲) د ملګرو ملتونو د بشري مرستو د همغږۍ دفتر (OCHA) په یوه راپور کې ویلي چې د خوړو نړیوال سازمان د روان کال په مارچ میاشت کې د بودیجې له کمښت سره مخ شوی او له همدې امله یې له افغانستان سره مرستې له ۷۵ سلنې څخه ۵۰ سلنې ته ښکته کړي دي.

اوچا زیاته کړه: د خوړو نړیوال سازمان د ۲۰۲۳ کال له پیل څخه تر فبرورۍ پورې په افغانستان کې له ۱۴ میلیونو اړمنو کسانو سره مرسته کړې، خو دغه سازمان یوازې د روان کال په مارچ میاشت کې ۲ میلیونه اړمن کسان تر پوښښ لاندې راوستي دي.

د دغه راپور له مخې تر اپریل میاشتې پورې په افغانستان کې د بشري ناورین د مخنیوي لپاره ۹۳ میلیونه ډالرو ته اړتیا ده.

د ملګرو ملتونو د بشري مرستو د هماهنګۍ دفتر وايي، افغانستان د ناورینونو او طبیعي پېښو له اړخه څلورم او د اقلیم د بدلون له کبله اتم ډېر زیانمنونکی هېواد دی.

 د ملګرو ملتونو برعکس، څارونکي باور لری چې د مرستې کمیدو اصلي دلیل د طالبانو د رژیم د افراطي کړنو دوام دی.

طالبانو د میلیونونه افغان نجونو او ښځو پر وړاندې د زده کړو، کار او نورو فعالیتونو دروازې تړلي، چې په ملي او نړیواله کچه یې سخت حساسیتونه پارولي دي.

نړیوالو بیا- بیا له طالبانو غوښتي، چې دا ډول پریکړې بیرته واخلي، خو طالبانو خپل ضد ته دوام ورکړی او د نړیوالو ترڅنګ یې افغانان له ځانه سخت ناراضه کړي دي.

LEAVE A REPLY

Please enter your comment!
Please enter your name here

- Advertisment -

ادب