شنبه, مې 25, 2024
Homeخبرونهامریکا ط ته؛ خپلې ژمنې عملي کړئ

امریکا ط ته؛ خپلې ژمنې عملي کړئ

تاند:( چار شنبه، د حمل ۲) د امریکا د بهرنیو چارو وزارت مرستیالې وینډي شیرمن د نوروز په مناسبت په یوه ویډیويي پیغام کې ویلي چې په افغانستان کې د طالبانو واکمن رژیم باید له نړیوالې ټولنې سره خپلې ژمنې عملي او د ښوونځیو او پوهنتونونو دروازې د نجونو پر مخ پرانیزي.

هغې زیاته کړه: تېر کال د افغانستان د خلکو لپاره له ننګونو ډک کال و.

شېرمن په دوام وويل چې په تېر کال کې طالبانو د ښځو او نجونو په اړه بې بنسټه پرېکړې وکړې او تر اوسه له يو ميليون څخه زياتې نجونې او ځوانې ښځې له زده کړو او کار څخه بې برخې شوې دي.

د امریکا د بهرنیو چارو وزارت مرستیالې ټینګار کړی، چې د کابل حکومت پرېکړې د افغانستان لپاره ډېرې ګرانې تمامې شوې، ځکه هر کال له یو میلیارد ډالرو څخه زیاتې پیسې چې ښځې یې د هېواد په اقتصاد کې ونډه لرلی شی، ضایع شوی دی.

هغې یادونه وکړه چې د ښځو د کار د منع کولو لپاره د افغان حکومت حکمونه د 28 ملیون څخه زیاتو خلکو ته د رسیدو بشري هڅې له خطر سره مخامخ کوي چې د ژوندي پاتې کیدو لپاره بشري مرستو ته اړتیا لري.

طالبانو په دې اړه غبرګون نه دی ښودلی، خو مخکې یې ورته څرګندونې رد کړې او ادعا کړې، چې دوی امریکا سره د دوحې د سولې تړون ژمنې عملي کړي دي.

LEAVE A REPLY

Please enter your comment!
Please enter your name here

- Advertisment -

ادب