تاند: (چارشنبه، د کب ۳ ) د طالبانو رژيم د ملي بانک لوګو، چې د افغانستان د ملي بيرغ په رنګونو ښکلې شوې وه، بدله کړې ده.
د ياد شوي بانک لپاره د طالبانو چارواکو د بانک نوې لوګو خپره کړې، چې د خلکو غبرګونونو سره مخ شوې ده.
لیکوال او سیاسي فعال نجيب ننګیال وايي:(( دې ملت له تاریخي هویت او نښانونو سره دوښمني په اوج کې روانه ده. که دا خلک دوام وکړي د افغانستان به تش نوم پاتې وي او د دې ملت ټول ارزښتونه به محوه شوي اوسي. دا یې هم د افغان ملي بانک څخه د درې رنګونو محوه کولو وروسته نوې لوګو. یوازې حساب نیسئ!..))
طالبانو د خپلې دغې پریکړې دليل نه دی روښانه کړی.
د طالبانو دا ډول کړنې له ملي هويت او نښو سره ېې د دوی دښمني ګڼل کېږي او په پراخه کچه ولسي مخالفتونو سره مخ دي.
ملي هویت سره دښمني
د نجونو تعلیم سره دښمني
د ښځو کار سره. دښمني .
افغان تاریخي ویاړنو سره دښمني
ملی بیرغ سره دښمني.
نوروز سره دښمني
انتقاد او مخالف نظر سره دښمني
د ولس غوښتنو سره دښمني
ــــــــــــــــــــ
د هیواد د منورینو او عالمانو غوښتنه نه مني
د بین المللي ټولنې غوښتنه نه مني
د اسلامي هیوادونو د ټولنی غوښتنه نه مني
د خپلی ډلې د یو شمیر نسبتأ پوهو خلکو خبره نه مني.
آیا تاسو په معاصر تاریخ کې داسی وحشت او بربریت لیدلی یا اوریدلی دی؟؟؟؟
د ملی بانک لوګو یوازی پدی خاطر چې د ملی بیرغ په رنګونو ښکلی شوی بدلوي او د هغه پر ځای د یهودانو د هیواد( اسرائیل ) دولتي لوګو ته ورته نښان د ملی بانک نښان جوړوي.
اوس نو تاسو قضاوت وکړۍ چې داسی نظام به دوام ومومي؟؟