تاند:( سې شنبه، د حمل لومړۍ) د افغانستان له بېلابېلو سیمو څخه د زلزلې د ټکانونو او زیانونو خبرونه ورکړل شوي، خو د طالبانو د رژیم چارواکي وایي، چې یوازې یو شمېر کسان په سطحي ډول پکې ټپيان شوي دي.
د طالبانو د عامې روغتیا وزارت ویاند ډاکټر شرافت زمان امر ویلي، چې په بدخشان، پنجشېر او ننګرهار کې د دغې زلزلې د مرګ ژوبلې خبرونه رسمي سرچینو نه دي تایید کړي او یوازې یو شمېر کسان په سطحي ډول ټپيان دي.
د هغه په وینا، د مرګ ژوبلې په اړه راپورونه ناسم دي.
تراوسه د دغو زلزلو د شدت او نورو جزیاتو په اړه ډېر معلومات نشته.