شنبه, مې 18, 2024
Homeخبرونهد نړۍ ګڼو هیوادونو د افغان نجونو او ښځو خلاف محدودیتونه د...

د نړۍ ګڼو هیوادونو د افغان نجونو او ښځو خلاف محدودیتونه د نه منلو وبلل

تاند(دوشنبه، د حوت ۲۹ مه) د نړۍ تر ۷۰ ډیرو هیوادونو او اروپايي اتحادیې په یوه ګډه اعلامیه کې وویل، له ښوونځیو او پوهنتونونو د افغان نجونو بې برخې کېدا او د ښځو پر کاربندیز د دفاع وړ نه دی

په دې ګډه اعلامیه کې د اسلامي همکارۍ سازمان د ۲۰۲۳ کال د جنورۍ د غونډې د پرېکړه لیک یادونه شوې چې په هغه کې راغلي، اسلام د نجونو او ښځو له زده کړو او په عامه ژوند کې د ګډون مخالف نه دی.

دغو هیوادونو همداراز ویلي، په افغانستان کې د ښځو خلاف محدودیتونه د ماشومو نجونو د ودونو په شمول د ښځو خلاف تاوتریخوالی زیاتوي او د هیواد اقتصادي ثبات کمزوری کوي. همداراز ټولنیز پرمختګ، د دولت پراخوالی او د بشري حقونو تحقق له منځه وړي.

اروپايي اتحادیې او تر ۷۰ ډیرو نورو هیوادونو د نجونو او ښځو خلاف بندیزونه د افغانستان اقتصاد او ټولنې ته نه جبرانېدونکی تاوان بللی دی.

LEAVE A REPLY

Please enter your comment!
Please enter your name here

- Advertisment -

ادب