تاند:( شنبه، د کب ۲۷) د هلمند لپاره د طالبانو ځایي چارواکي وایي، چې تېره اونۍ په دې ولایت کې د ترافیکي پېښو له امله ۱۴تنو ته مرګ ژوبله اوښتې.
د طالبانو ولایتي ادارې ویلي، چې دغه پېښې په ګرشک، ناوه، نادعلي او سنګین ولسوالیو کې رامنځته شوي، چې ۳ تنه پکې وژل شوي او ۱۱ نور ټپيان دي.
سرچینې د پېښو لامل نه دی په ډاګه کړی، خو په ټوله کې بې احتیاطي په افغانستان کې د داسې پېښو اصلي علت ګڼل کیږي.
په وروستیو کې د طالبانو امنیتي ځواکونه او چارواکي هم د داسې پېښو له لاملونو ګڼل کیږي.